Blog Archive

Saturday, February 9, 2008

كلمات متقاطعة

حروف كتير اتنورت واتبحترت
تشبه كلام
ووجوه كتير اتعطرت واتبخرت
تشبه أنام
وآمال قلوب اتصورت واتبخرت
زى المنام
ليه الآيات اتلخبطت واتفسرت
من غير معان
عقول كتير اتحيرت
ونفوس كتير اتغيرت
وقلوب بيقتلها القضا
وعقول بيملاها الفضا
والحب ليه ولى ومضى
لما الحروف اتغيرت
لما النفوس اتسخرت
لما القلوب اتحجرت


منقول

6 comments:

Hamada Object said...

أيه التشاؤم ده يا ستار يارب محدش عارف الخير فين
بس يلا بقى انتي اللي عايزة كده

وانا مالي
أنا كنت عايش راضي بحالي
وكأني ساكن في العلالي
راكب دماغي وماشي طوالي
وانا مالي
مش عايز أعرف ايه جرالي
ولا حتى أغير حاجة فحالي
كل اللي جاني وسألني مالك
بقولة أبعد وانا مالي



محدش عارف الخير فين

memo said...

ماشى فى طريقى
طريق مش عارفله بداية
كل لما أبص أدامى
مليون حاجه تخلينى أبص وراية
وأدينى فى الحياة ماشى
ولا باين هى اللى ماشية معاية
ونفسى والله ألاقى نفسى
وتحس بقى باللى جوايه
ونفسى أقولها فوقى بقى يا ستى
هو العمر فيه كام حكاية
وعجبى

Anonymous said...

أيوة الاستاذ حمادة اوبجيكت شاعر والباشمهندسة شيماء شاعرة هى اية مدونة الشعرا دى دة الواحد يلحق يمشى بقى قبل ميتعدى
هاهاهاهاها

memo said...

لاء تمشى فين ده كلام برده

البيت بيتك

وبعدين البشمهندس حمادة أوبجكت شاعر أنا متفقة معاكى

أما حكاية البشمهندسة شيماء شاعرة

ديه وسعت منك

Hamada Object said...

أشكر البشمهندسة شيماء خطاب على الاطراء الزائد ده وأشكر البشمهندسة شيماء السيد على التواضع الزائد ده
الواحد هوا اللي لازم يمشي قبل ما يتعدي من الاخلاق الرائعة دي والجميلة جدا والحلوة جدا جدا وكل حاجة جدا جدا

shimaa said...

أولا يا شيماء أنت وحشتينىىىىى مووووووتتتتتتتتتتت أوى أوى أوى قصدى جدا جدا جدا
وعلى فكرة انا مستنياكى يوم الاربعا الجاى على طول أسكندرية هتنور بجد تعالى بسرعة بقى يا شيماء